في الثورة الايرانية هناك الجمعة السوداء و التى يقال ان الشاه قتل فيها 40000 إيراني تحت قباب المساجد في صلاة الجمعة بالطائرات الأمريكية الصنع وقت أن كان يعمل تحت رايتها.
و اليوم في الثورة المصرية من بعد قتل الشهداء من قبل رجال أمن من المفترض أنهم يحمون أمن المتظاهرين من المخربين لكنهم و لتسلطهم و فسادهم و جبروتهم قتلوا الشهداء بدم بارد بحجة حماية الأمن العام أو بأي حجة فليس هناك فرق, و كلنا يعرف هؤلاء القتلة و بالأخص ذوي الشهداء من أم مكلومة فقدت فلذة كبدها و هو مقبل غير مدبر على الموت بصدر عار لا يهابه و لا يخاف قتلته ولا رصاصهم ولا أسلحتهم التى اشتريت بماله هو و ليس مالهم و أب و أخ موتورين رغبوا في القصاص العادل ممن قتل شهيدهم الغالي و الذي كان في ريعان شبابه.
من بعد قتلهم يخرج علينا النظام القضائي المصري بقرارات أقل ما توصف بالسياسية, افراج بكافالة عن القتلة في الاسكندرية و الشرقية و السويس بل يتلاعب بعضهم بالقضايا, فلا يقبلون اضافة الرئيس المخلوع في قائمة المتهمين هو و وزير داخليته الأسبق العادلي مما يزيد الاحتقان لدي أسر الشهداء و الثوار ممن يحترق قلوبهم على المعاملة السيئة التى يتلقاها هؤلاء من الحكومة- الثورية – فلا هم يتم تعويضهم مالياً جراء خسارة العائل الوحيد لهم ولا تكريمهم ولا معالجة المصابين على نفقة الدولة في حين يعالج القاتل على نفقة الدولة في مكان يقال أنه فندق 7 نجوم و ليس مستشفى.
و أيضاً يخرج علينا القضاء المصري بقرارات براءة لمن شوهوا مصر من فساد مالي – بطرس غالي – الى فساد سلطوي – سوزان مبارك – و يحكم على الشخص الوحيد الهارب, كما لو أنه لا يريد بأحدهم أن يلبس اللباس الأزرق, فالمقبوض عليهم براءة و الهارب سجن و المحصلة ألا أحد في السجن منهم و فسادهم غطى مشارق الأرض و مغاربها.
الاسبوع الأسود لأن فيه عادت الداخلية كما كانت من قبل في تعاملها مع الشعب من قلة أدب و صفاقة و تجبر و ضرب و سحل و قتل أيضاً, تماماً كما كانت من قبل في لكن في ظل حكومة الثورة.
الأسبوع الأسود حين تضرب و تهان أم الشهيد و يحكم على أخيه بالسجن لأنه (بلطجي) في محاكمة عسكرية عاجلة في حين يترك القتلة ليكملوا ما بدأوه من قتل و تعذيب و تشويه.
الأسبوع الأسود لا يوجد فيه الا بقعة واحدة بيضاء هي الاتفاق بين أغلب القوى السياسية على النزول في جمعة 8 يوليو بعد وضع أغلب خلافاتهم جانباً.
و نعاود لنقول أننا طلاب عدل و ليس مساواة, فهل من العدل أن تضرب أم الشهيد من القاتل و يحكم على ابنها الذي دافع عنها. هل من العدل أن يظل المتهمين بقتل الآمنين في وظيفة يراد بها حماية الآمنين؟
4-تكريم المصابين، وعلاجهمعلى نفقة الدولة ، وتعويضهم.
5-حرمان أعضاء الحزب الوطنيالسابق منحق الممارسة السياسية لمدة 5 سنواتعلى الأقل وتفعيل قانون الغدر.
6-الافراج الفورى و التام عن كل المعتقلين السياسيينواصحاب الرأي من يوم 25 يناير وما قبلها الى يومنا هذا .
7- الوقف الفوري للمحاكمات العسكرية للمدنيين،واعادة محاكمة من تم محاكمتهم عسكريامن المدنيين امام محاكم مدنية .
8-التطهير الشامل لكل مؤسسات الدولة و يشمل كل من :
§تطهير جهازالشرطةمن كل القيادات السابقة فى عهد حبيب العدلى ، و حل جهاز الامن الوطنى ( امن الدولة سابقا )
§تطهيرالقضاءالمصرى ، والنيابات العامة ، واقالة النائب العام الحالى
§تطهيرالاعلامتطهيرا كاملا و تقديم ضمانات لإستقلاله
§حل المجالس المحليةجميعها ، واختيار المحافظين بالإنتخابعلى ان يكونوا مدنيين ، وليسوا رجال شرطة او جيش سابقينضمانا لمدنية الدولة و نظرا لمدنية المنصب
§تطهيرالجامعاتمن عمداء ووكلاء أمن الدولة ، والبنوكوباقى مؤسسات الدولة جميعاو على رأسها الحكومةمن كل الفاسدين وخاصة من ينتمون الىالحزب الوطنيالمنحل الفاسد وأعضاء لجنة السياسات.
9-الإفصاح عن خطط مدعومة بجداول زمنية للقضاء على البطالة ومشكلة إسكان الشباب وأننا على يقين العلم بأن هذا المطلب يحتاج المزيد من الوقت لتحقيقهو لكن نريد التيقن من وجود الإرادة السياسية لذلك
المطالب أظن مفيش حد يختلف عليها إلا المطلب رقم 8 اللى محتاج آليات عمل أكثر تحديداً .. يعني مين المقترح يقوم بتطهير الشرطة أو القضاء أو الاعلام أو الجامعات
كدة المطالب دي متوافق عليها و كويسة و مفيش عليها خلاف بين أي حد سواء القوى السياسية أو رجل الشارع و خاصة أنها تضمنت مطلب أساسي و هو الحد الأدنى للأجور كأول مطلب لها و تخلت عن مطلب الدستور أولاً – بس يا رب محدش ييجي يوم الأربعاء 6 يوليو و يطلع على الجزيرة و يكرر مطلب الدستور أولاً – لأنه مش مطلب توافقي احنا عاوزين نرجع للميدان الزخم بتاعه تاني
الماتش اللى حاصل في مصر حالياً عاوز مننا وقت مستقطع نقف فيه و نفكر شوية عن الأحداث و مسبباتها و مآلاتها و نتائجها.
الاسباب و هانبدأها بالأقدم فالأقدم ...
اعتصام عند ماسبيرو من أهالي شهداء ثورة 25 يناير العظماء, اللى واجهواالرصاص بصدورهم العارية و الحمد لله محدش منهم مات أو قتل برصاصة في ظهره بالعكس كلهم ماتوا و هم مقدمين على الموت .. ربنا يتقبلهم عنده في الشهداء و الصالحين و حسن أولئك رفيقا.
احتفال في مسرح البالون الحكومي بتأبين بعض شهداء الثورة بعدد 10 شهداء فقط و فاعل مجهول راح بلغ المعتصمين عند ماسبيرو بالحدث فراحوا هم كمان يحضروا مش طمعاً في تكريم لأن التكريم مش بيرجع حبيب أو غالي انما رغبة في الاحساس باهتمام الدولة بيهم خاصة بعد الثورة و حاولوا يدخلوا اتمنعوا و اتهجم عليهم ناس و ضربوهم و كسروا في المسرح – مش أهالي الشهداء انما اللى اتهجموا عليهم – و واجهتهم الشرطة و الشرطة العسكرية و اعتقلت ناس منهم من ضمنهملؤي نجاتي المدون و الناشط السياسي و الحقوقي.
راحت ناس لماسبيرو لباقي المعتصمين و قالت لهم على اللي حصل هناك و اتوجهوا عند الداخلية يتظاهروا ضد حاجات كتير ..
بطىء المحاكمات
اهمال أهالي الشهداء
وجود القتلة و المتهمين من الشرطة في مواقعهم بل و ترقية البعض منهم
و طبعاً الداخلية حاسين انهم كلوا علقة يوم 28 يناير و كانوا عاوزين يردوها للشعب و علشان كدة استفذوا الناس زي الفيديو هنا– للكبار فقط.
اشتباكات و ضرب خرطوش و رصاص مطاطي و غازات مسيلة للدموع بين المتظاهرين اللى مبقوش بس أهالي الشهداء أنما انضم لهم شباب من شباب الثورة و ناس عاديين لأنهم مش حاسين بالتغيير و خاصة في الداخلية اللى لسة بتتعامل مع الناس باسلوب الأسياد و العبيد حتى بعد الثورة و نضرب لكم أمثال على كدة ..
احتقان من تصرفات الداخلية + بطئ المحاكمات للقتلة أحداث مسرح البالونأحداث 28 و 29 يونية + اعتصام التحرير
طيب و موقف القوى السياسية من اللى بيحصل أيه !!!!!!!!!!!!!!!!!!!!؟
الاخوان .. و دول الناس كلها حاطين عليهم حتى بعض المنتسبين اليها لعدة أسباب .. بطئ ردة الفعل تجاه المواقف .. غموض الموقف من الاحداث .. موقف سلبي من الحدث في كثير من الاحيان و ده تفسيري لأسباب موقفهم.
الأحزاب .. بعضها في طور التكوين و تجميع التوكيلات لأخذ التصريح بتكوينها .. و البعض الآخر في سجال مع نفسه و مع الاسلاميين في سفسطة الدستور أولاً.
السلفيين .. مش متوقع أصلاً يكون لهم دور من الأول لأنهم لسة بيتحسسوا طريقهم في التعامل مع السلطة.
اعادة هيكلة الداخلية مش ممكن تكون بصورة سريعة و الا مخاطرها هاتكون كبيرة و المجلس العسكري مش هايقدر يقوم بيها لأنها شايف انه موضوع شائك و خايف منه و سايبه للحكومة المنتخبة و هم كمان منتظرين تتكون الحكومة و يقدروا بعدها اعتماداً على شرعية شعبية من الانتخابات انهم ياخدوا قرارات مصيرية صعبة زي اقالة قيادات الداخلية اللى بتقول للظباط ما تتعاملوش مع البلطجية و بهدلوا الناس.
و جهتين النظر في التعامل مع اعادة هيكلة الداخلية معتبرة لكن المحاكمات البطيئة دي لازم يكون لها حل و موقف القوى السياسية منها مخزي تماماً لأنها مهتمة أكتر بترسيخ قواعدها و بناء هايكلها الادارية.
في حضرة التاريخ يتواضع التاريخ ثم يعود ثانية إلى صلفه ونقيم في تقتير واقعنا وموقعنا وتاريخ الجدود يعيش في ترفه يقسو علي الدهر.. لا فرقٌ ..فكم قد عشت في شظفه ويسير موكبنا الى مستقبل زاه ويظهر فجأة فخ من التاريخ يوقفنا بمنعطفه لو سلم الاجداد في الماضي الى اجدادهم ذلا لما امسكت هذا المجد من طرفه قد يكره التاريخ واقعنا ...ولكن لن يقيم اليومُ في غرفه قد لمت تاريخي على تاريخه وكسرت خوفا حاكما جدي وما شككت في شرفه جدي تمثل جده اسِفا لذاك تراه امضى العمر في اسفه هل يتبع الاحفاد جدا بات في خرفه؟ جدا يقيم الخوف في اوصاله حتى إذا ادى إلى تلفه وتراه لام على الحفيد شجاعة لم تبدُ في سلفه نحيا بما يُحيي من التاريخ واقعنا.. ولن نحيا على جيفه شعر على سائر الظلّام قد شهد يسلّ احرفه للنيل او بردى الشعر بشّر بالتغيير ممتدحا شعبا لغير اله الكون ما سجدا يرى الرئيس كجرذ في مخابئه وإن بدا كاذبا في وجهه اسدا مضى رئيس كأن الناس تعبده وورّث الأرض والاموال والبلد والشعب يعرف مخلوقا وخالقه فالله في عزه لم يتخذ ولدا جيل يرى الرفض نبلا لا مغامرة وغيره قد بدا في النبل مقتصدا يواجه النار بالتصميم مبتسما والله يرسل من علياءه مددا اطفاله زرعوا كالنخل انفسهم طوبى لمن لتمور النخل قد حصدا يغريك واقعك الضئيل بقتل ارواح رخاص في حضرة التاريخ ينطلق الرصاص في قلب ذي الاطفال غاص لا تبتهج ... فالنار تدفعنا لقصرك زاحفين الى الردى ومن البطولة ان زحفنا لا مناص سنراه عدلا كاملا من دونما أي انتقاص هي سنة التاريخ اما ان نفر الى الخنوع مع انطلاق الطلقة الاولى واما ان ترانا قد وقفنا ثابتين لكي نطالب بالقصاص. سحقا لقصر الشعب حين يدك شعبا ملّ مع طول المدى تبكيته يا قاتل الاطفال باسم القدس لي ثأر ولا انساه ان أُنسيته هو واجبي ...لا اشتهي تفويته أُمليت من اعداءنا في الليل ما أُمليته هي ثورة لم تدّخر دمها وإنك ما أدخرت جهادها لعدونا وقد ادّخرت لنا السلاح وكل ما ملّكت من تلك الصفات مقيتة انّا صبرنا نصف قرن كي تُحَرر قدسنا اعطيتنا بعض الفتات وانت قد أُعطيت من أموال هذا الشعب ما أوتيته يا من جررت جموع أهل العزم مضطرين في حلف كأكل الميتة هذي جموع الشام نحو النور امست زاحفة كل الطوائف مثل أطفال المدارس ضد أجناد الردى متكاتفة صمدت بوجه العاصفة صمدت وما ارتجفت بيوم الراجفة هذي الحناجر في سماء الشام امست هاتفة وكأنها تشدو بلحن بات يعشق عازفه تحيا الشآم عزيزة وليسقط التقتيل باسم الطائفة يا أيها الجيش الذي قتل الصبي يصيح: وا أماه سقطت نياشين البطولة إذ سفكت دماه سيحرر الاقصى سلاحك؟! انت للأعداء ذخر .. نصف قرن قد حميت حِماه شهدت عليك من القديم مقابر بحماة جيش عن التحرير قد أعماه ما أعماه لَعَنته في الشام العظيمة أرضه وسماه جيش قيادته تسلّم للعدو وأن هذا الشعب صار عدوه.. ولذاك أهلك شعبه بالنار حين رماه قسمين صار الجيش ولكن سوف يهلك قائدا ...قسماه وأقولها ...سيحرر الجيش الأبي من العميل كماة يا ايها الثوري هذي ثورة قد اسقطت طغيانا لو كان للأقصى السلاح لما استباح دمانا لو كان للأرض السلاح لحرر الجولانا جنّد ألوف المخبرين وخذ رجال الدين للدنيا ليفتي كاذبا مولانا أحرق بلاد الشام يا نيرون كي تبقى على أطلالها سلطانا صف ما تشاء بما تشاء وعذب الفتيات والفتيان قل ما تشاء عن التآمر ضد نبلك يا صلاح الدين ..يا قطزا ويا بعث التحرر والسمو ...ويا مفجر دمعنا ودمانا.. قل ما تشاء وانت مرتعد الفرائص خلف صف حراسة من خلف صف حراسة ... لكن بدت بعيوننا فئرانا يا ايها البطل الشجاع ..لك البلاطجة الغلاظ ..ولي الارداة تهزم البهتانا لا تنس أن تخصي شباب الشام قبل الذبح..قبل الدفن في قبر جماعي يهين الأرض والانسان عاقبتَهم حقدا على ما يملكون من الرجولة انهم رحلوا رجالا للفدا عنوانا لم يستطيبوا العيش مثلك في الدنا خصيانا يا كاتب التاريخ ماذا سوف تكتب حين تبصر درعا حبرا ستكتب... أم ستكتب دمعا ستقول نصرٌ مثلما حطين.. ام ستقول هولاكو تفنن قمعا. يا كاتب التاريخ قل لي هل فقدت السمعا؟ نظرت إلي رؤوس اقلام بكت أحبارَها ومضت تحدث للدنا أخبارها وكأنها بالحبر تأخذ ثارها كتبت بليل الحادثات نهارها يا من حكمت لنصف قرن إن هذا الوقت في عرف الشآم كقطرة خُصمت بليل من منابعنا في حضرة التاريخ نحيا في مواقعنا هي جملة ولها سياق رغم واقعنا هي سطوة التاريخ زادت في تقدمنا أمام جيوش قامعنا فجّر بيوت الآمنين....سيدفع التاريخ زحف الزاحفين إلى مطامعنا هذي الديار ديارنا مهما صببت الموت نارا من مدافعنا سيضمد التاريخ نزفا في مواجعنا وسندفن الأفّاك عدلا في مرابعنا وستمسح الامجاد ضعفا في مدامعنا في حضرة التاريخ جيل بات يمنعه التقدم من تراجعنا يا أيها التاريخ صوتك كالآذان على جوامعنا لا شيء يبقى غير صوت الحق يعلو في مسامعنا قد تحكم النيران بعض الوقت لكن...كلمة التاريخ حكم لا مرد له ستكتب في مراجعنا.
خلعنا مبارك المخلوع – علشان اللوا المهدي بس - يوم 11 فبراير .. صح
كانت من مطالب الثورة دستور جديد للبلاد و الجيش عمل لجنة تعديل مواد معينة على أساس انها محددة للفترة الانتقالية و كيفية الخروج منها .. صح ولا أيه خليك معايا
و كانت من ضمن المواد المستفتى عليها المادة 189 و 189 مكرر و اللى نصهم كالتالي
189 - لكل من رئيس الجمهورية و مجلس الشعب طلب تعديل مادة أو أكثر من مواد الدستور و يجب أن يذكر في طلب التعديل المواد المطلوب تعديلها و الأسباب الداعية إلى هذه التعديل فإذا كان الطلب صادرا من مجلس الشعب وجب أن يكون موقعا من ثلث أعضاء المجلس على الأقل و في جميع الأحوال يناقش المجلس مبدأ التعديل و يصدر قراره في شأنه بأغلبية أعضائه فإذا رفض الطلب لا يجوز إعادة طلب تعديل المواد ذاتها قبل مضي سنة على هذا الرفض و إذا وافق مجلس الشعب على مبدأ التعديل يناقش بعد شهرين من تاريخ الموافقة المواد المطلوب تعديلها فإذا وافق على التعديل ثلث أعضاء المجلس عرض على الشعب لاستفتائه في شأنه فإذا ووفق على التعديل اعتبر نافذا من تاريخ إعلان نتيجة الاستفتاء و لكل من رئيس الجمهورية و بعد موافقة مجلس الوزراء و انصف أعضاء مجلسي الشعب و الشورى طلب إصدار دستور جديد و تتولى جمعية تأسيسية من مائة عضو ينتخبهم أغلبية أعضاء المجلسين غير المعينين في اجتماع مشترك إعداد مشروع الدستور في موعد غايته ستة أشهر من تاريخ تشكيلها و يعرض رئيس الجمهورية المشروع خلال خمس عشرة يوما من إعداده على الشعب لاستفتائه في شانه و يعمل بالدستور من تاريخ إعلان موافقة الشعب عليه في الاستفتاء
. 189 مكرر - يجتمع الأعضاء غير المعينين لأول مجلسي شعب و شورى تاليين لإعلان نتيجة الاستفتاء على تعديل الدستور لاختيار الجمعية التأسيسية المنوط بها إعداد مشروع الدستور الجديد خلال ستة اشهر من انتخابهم و ذلك كله وفقا لأحكام الفقرة الأخيرة من المادة 189. أهو شايفين الكلمتين اللى بالأحمر دول .. اللي بيفهم أو بيحاول يفهم يعرف اننا استفتينا على ان أعضاء مجلسي الشعب و الشورى المنتخبييييييييييييييييييييييييييييييييين هه المنتخبين .. تاني .. المنتخبيييييييييييييييييييييييين هم اللى هايجتمعوا على انتخاب لجنة لعمل دستور جديد للبلاد في مدة أقصاها 6 أشهر من بداية الدورة البرلمانية و بعدها اللجنة قدامها 6 أشهر تانيين من تكوينها بالانتخاب لوضع دستور جديد.
يعني كنا عارفين ان الانتخابات أولاً كما هو واضح و البهوات اللى اعترضوا أيامها مكانوش عاوزين الدستور أولاً .. لا كانوا عاوزين اعلان دستوري علشان نلغي دستور 71 و قام و المجلس العسكري أعلن وفاة دستور 71 سواء كانت النتيجة نعم أو لا و عمل لهم اللى هم عاوزينه باإعلان الدستوري الحالي ...
أيه بقى اللى حصل ... مالهم الاخوة بتوع احزاب الفضائيات دول .. عاوزين أيه بالظبط !!!!!!!!!!!!!!!!!!!!!!!!!!!!!
عاوزين حاجتين كما اتضح من خلال مناقشاتهم الخيبانة ...
1-و بما أنهم مش عاوزين ينزلوا الشارع للناس و يعرفوا مشاكلهم و احتياجاتهم لأنها هاتعطلهم عن القعدة مع المذيعين و المذيعات يبقى لازم يشوفوا لهم حل في المعضلة دي .. أزاي يكون لهم دور في وضع الدستور و هم مش عاوزين الانتخابات ؟؟؟؟؟؟؟؟؟؟؟؟
يبقى مفيش حل الا انهم يضغطوا بما لهم من آلة اعلامية في سبيل الإلنفاف على المادة دي – 189 – علشان يبقى لهم دور من غير تعب و لا لف في الشوارع ولا التحام بالناس , قام واحد زي صبحي صالح قال لهم كلمة مفيدة .. تأخير الانتخابات مش في مصلحتهم لأن كل ما طالت المدة انتشار القوى الاسلامية في الشارع بيزيد ... و ده وضح كويس في أزمة انابيب البوتاجاز .. يا دي النلية يعملوا أيه !!!!!!!!!!!!!!!!!؟
2-يبقى مفيش إلا اننا نطالب بحاجة كمان مع الدستور أولاً دي .. ألا و هي .. الجيش حامي الدستور
دي بقى مصيبة في حد ذاتها ... ليه .. لأن كدة الجيس مش هايكون محترف
يعني أيه جيش محترف .. يعني جيش عقيدته حماية الشعب و الدولة أياً كان اتجاهها و دستورها ... يعني مش زي جيش تركيا كدة .. جيش تركيا من مهامه الدستورية انه يحمي الشعب و الدستور .. يعني لو الدستور علماني يبقى هو الراعي لعلمانية الدولة بحمايته للدستور .. يعني يقوم بـ 5 انقلابات على نتائج الانتخابات من بعد أتاتورك .. كل ما التراكوة يختاروا حكومة مش علمانية يقوم عامل لهم انقلاب ... و آخر مرة حصلت كانت في التسعينيات مع نجم الدين أربكان.
يعني الشعب و اختياراته مش مهمة بالنسبة للجيش .. يعني الجيش يبقى بيحمي الحدود و الأمن القومي و الدستور اللى هو هايكون علماني زي ما هم عاوزين بقى في النقطة رقم 1 فوق .. هارش !!!؟
و بالمرة يحيى الجمل يعمل له لجنة علشان تحط مباديء دستورية .. و البرادعي كمان يعمل له ورقة حقوق انسان برضه التفاف على المادة 189 .. هي دي بقى الدَمقراطية اللى هم عاوزينها
يعني البهوات عاوزين العسكر يحموا تواجدهم في الحكم حتى لو على غير إرادة الشعب .. من الآخر يعني
يعني الاسلاميين اللي بيتهموا انهم مستبدين يبقوا أكتر ناس متمسكين بالديمقراطية على رأي عمرو أديب في حواره مع حازم أبو اسماعيل
و بعدين أيه حكاية مليونية الدستور أولاً دي يوم 8 يوليو ... و كمان عاوزين الاخوان ينزلوا فيها و إلا يبقوا خاينين للإجماع الشعبي بمناسبة أيه ان شاء الله
أن الـ 77 % اللى اختاروا المادة 189 دول معاتيه و هم اللى بيفهموا مثلاً .. و تيجي نوارة نجم تتوعد الاخوان بخازوق منتظَر قريب .. على اعتبار انهم مثلاً من كوكب زحل و ان الخازوق بتاع 1954 لبسوه هم بس و باقي التيارات السياسية أيامها تنعمت بالحرية و الديمقراطية .. ألا إني أكلت يوم أكل الثور الأبيض
لو الاخوان اتاكلوا .. عادي يعني يبقى السمك رجع الميه تاني .. لعبتهم العمل تحت الاضطهاد ..
انما هم مش مقاولين أنفار علشان البهوات يدعوا لمليونية و هم ملزمين انهم يحضروا حتى لو مش موافقين على الشعارات اللى هاتترفع يومها
اللى عاوز مصلحة البلد هو اللى بيمشي مع اللى اختاره الشعب .. لأنه مصدر السلطات ... مش النخبة اللى كان منها اسامة حرب عضو لجنة سياسات جمال مبارك و اللى طبل لمبارك قبل كدة زي ابراهيم عيسى و ساويرس و البدوي و غيرهم
سيادة اللوا مشير طنطاوي - و أقصد بيها المجلس كله ...
فيه حكاية تبادرت لذهني كدة بعد بداية الثورة . امتى مش فاكر و هي كالتالي
واحد اشترى 3 تفاحات .. فتح الكيس و بص لأول واحد علشان ياكلها لقاها معفنة .. قام رايح راميها .. تاني واحدة بيطلعها من الكيس حصل برضه نفس الموقف الأول و لقاها معفنة .. راح راميها .. و علشان نفسه ما تنكسرش و يحس ان فلوسه ضاعت قام رايح قافل النور و طلع الثالثة علشان ياكلها.
و الراجل هنا هو الشعب المصري .. و التفاح هنا هو أنظمة الحكم.
أول نظام حكم مصري نيابي كان في أسرة محمد علي الملكي و قام عليه انقلاب 1952 بالنظام التاني.
تاني نظام هو نظام 1952 العسكري و قامت عليه ثورة 25 يناير.
ثالث نظام لسة مش عارفينه لكن معتبرينه انه انت يا سيادة اللوا مشير طنطاوي في الفترة الانتقالية و اللى انت كذا مرة تصرح انك بتدير البلاد ولا تحكمها يعني فترة لحد ما نسلمها لحكم مدني.
و اثناء الفترة بتاعتك دي عملت حاجات كتير في ظرف 100 يوم بعد تنحية مبارك تخلينا نوجه لك انذار .. أيوة انذار
و لأنه إنذار فأكيد له أسباب عدة تقدر تشوف جزء منها في الفيديوهات الموجودة تحت هنا واحد ورا التاني...
و الاحداث دي بسبب سوووووووووووووووء ادارتك للبلاد من أول يوم ... مشرف على اتحاد الاذاعة و التليفزيون .. يحيي الجمل .. عميد اعلام القاهرة و ما تم من ضرب الطلاب داخل الحرم الجامعي اللى معملهاش مبارك بأمن الدولة بتاعه ... و كتير من الحوادث المعروفة زي يوم 26 فبراير و 9 مارس و 9 أبريل و 13 مايو عند السفارة الاسرائيلية .. مروراً بموقفك المخزي يوم 2 و 3 فبراير يوم موقعة الجمل و تعذيب الشباب في المتحف و تهديد اللوا في التحرير للشباب بالقتل
و كلامك على انك رفضت تضرب نار على المتظاهرين رغم صدور أوامر و أحب أسألك عن الموضوع ده بالذات .. أيه اللى هايخلي الناس يوم 28 يناير رغم ان معركتهم كانت مع الشرطة تحرق لك مدرعات
و سيارات جيب عسكري
و تخطف دبابات
أكيد لأن حضرتك كنت بتساعد الشرطة ضددهم و إلا مفيش دخان من غير نار
و أحب أفكرك ان جيشنا .. جيش الشعب المصري .. قوامه من المجندين .. يعني كل واحد فينا بيدخل الجيش يقضي فترة التجنيد الاجباري و يخرج تاني بخبرة في استخدام الاسلحة .. يعني لو حضرتك كنت ضربت نار على المتظاهرين مكنتش هاتاخد في أيديهم غلوة لأنهم فيهم اللى بيعرف يستخدم السلاح الخفيف لحد الدبابة و المدفع . وكمان طبيعة مصر و مساحتها و مساحة العمران فيها تخلي من الصعب تكرار النموذج الليبي .. يعني أقل استخدام للسلاح ضد المتظاهرين يومها كان هايولع البلد و يخلي الجنود و صغار الضباط الغير مستفيدين من نظام مبارك زيكم ينقلبوا عليكم و يبقى مصيركم زي مصير أي خائن للبلد يفتح النار على شعبها و مبارك مثال.
و كنتم زمانكم أما مقتولين في حرب أهلية .. أو انقلاب عسكري ضدكم انتم كمان .. أو هربانين برة و مطلوب القبض عليكم.
لكنكم ببراعة و بعد نظر لم تتخذوا موقف كهذا بل فضلتم مسك العصا من المنتصف و سبتونا ننضرب يوم موقعة الجمل بقناااااااااااصة و انتم واقفين تتفرجوا و هوب براشوط على الثورة يوم 11 فبراير بحركة اللوا الفنجري التمثيلية البارعة.
و شربنا الموقف و قعدنا نكذب في الناس اللى بتقول انها اتعذبت في المتحف و في غيرها من المواقف المسكوت عنها.
فرجاء من شعب طيب خفيف الدم مزاجه عنب ديلوقتي .. بلاش نظام الفزاعات بتاع مبارك ده ... مرة الاقتصاد .. قلنا لكم لموا الضرايب المتأخرة على البهوات الكبار .. برضه ساكتين و بتضغطوا علينا.
الانفلات الأمني و انكشفتم يوم السفارة الاسرائيلية.
و بتلهونا بحمار وطني المفروض انه نتيجة ثورة قوامها الشباب جايبين ناس متوسط أعمارها فوق الستين سنة يحاوروا بعض.
كل شوية قوانين بدون حوار مع حد .. و مخالفة لمطالب الثورة.
يا ريت و رجاء أخير قبل يوم 27 مايو انكم تنزلوا تحاوروا الناس و الشباب اللي قام بالثورة و بلاش حكاية الاعلام الموجه دي لأننا في عصر الاعلام المفتوووووووووووح.
أها برضه ,, برضه هجوم تاني على المعتصمين في ماسبيرو و بنفس الاسلوب و بنفس الشخوص -- البلطجية -- هجوم بالليل و بالسنج و المطاوي و الخرطوش .. لا و أيه و الجيش موجود و الأمن المركزي كمان واقفين زنهار جنبهم
ماهو حاجة من اتنين .. يا أما تحموهم يا تسلحوهم بقى .. طيب نقول ايه يعني .. لما الشرطة واقفة و الجيش كمان و الناس تنضرب نفهم ايه احنا .. عاوزين تأدبوهم مثلاً .. مش عاجبكم طلباتهم .. أيوة صحيح فيه في طلباتهم حاجات أوفر شوية .. زي موضوع أمريكا ده و موضوع عضو مسيحي في مجلس رئاسي .. ماشي بس مش دي الطريقة برضه اللى نتفاهم بيها معاهم اننا نسيبهم كدة ملطشة لأي كلب معدي .. هم برضه مواطنين مصريين و لهم حق انهم يتوفر لهم حماية ما داموا مسالمين.
شوية عقل يا ناس .. و على رأي المثل .. اذا كان اللى بيتكلم مجنون .. اللى بيستمع عاقل
خليكوا انتم العاقلين و بلاش تخلوا شكلكوا وحش قدام الناس اللى برة علشان الاستثمارات .. ما هو برضه المستثمر لما يسمع ان الأمن عندنا مش مستتب هايخاف يجيب عندنا فلوسه .. مش كدة ولا أيه
نيجي بقى لحبايبنا .. الناس الكمل .. الناس الطيبين .. الناس اللى انا عارفهم كويس قوي بحكم عيشتي في وسطهم و مصاحبتهم و مخالفتهم و مناقشتهم و تعزيتهم و تهنئتهم .. الناس دي طيبين قوي و بيحبوا دينهم جداً و لهم صبر جميل على التعلم منه و نهل العلم الشرعي من مصادره الموثوقة .. جبايبي السلفيين.
الناس دي بجد يا جماعة مش بتاعة عنف خاااااااااالص .. بحق ربنا مش بتوع عنف و الكلام ده مش علشان هم اصحابي و أهلي و جيراني .. لأ و الله انما هم طبيعتهم كدة و بدليل انهم لو كانوا بتوع عنف كانوا على الأقل اشتكوا من التعذيب اللى اتعذبوه على يد أمن الدولة في مصر أيام مبارك .. بصراحة ما سمعناش منهم انهم اتعذبوا .. و اتعذبوا كتير كمان الا بعد ما المخلوع خلع على شرم الشيخ و أمن الدولة الناس اقتحمته .. ساعتها بس هم قالوا الحكاوي السودة اللى عندهم و طلعوا البلاوي اللى في نفسيتهم .. و سكوتهم ده سببه الخوف الرهييييب اللى كانوا عايشين فيه من الجهاز ده .. حتى انهم كانوا بيتعاونوا معاه خوف منه .. آه و الله خوف منه و لأنه لو واحد فيهم جرى له حاجة مالوش جماعة تدافع عنه .. انتم عارفين الاسلاميين كانوا مستباحين أيام المخلوع و كانوا ملطشة من كل الناس .. الداخلية و الخارجية و الاعلام و الاذاعة و التليفزيون و التاريخ و حتى الجغرافيا ... مكانش فيه الا الاخوان بس هم اللى لهم صوت و كان لما يموت لهم واحد.. كبيرهم بلاغ و كام واقفة هنا و هناك و كام مقالة و بيان و صلاة جنازة يقعدوا يدعوا فيها على الظلمة .. مكانوش حتى بيجيبوا سيرة مبارك.
الناس مشكلتها انها بس نظرها ضعييييييييف جداً ... ابعد حتة ممكن نظرهم يوصل لها هي بوز الجزمة – اكرمكم الله – اللى هم لابسينها .. حتى مش بيوصل لكم الجلابية اللى هم لابسينها.
أيوة نظرهم ضعيف .. والا مكانوش قوموا الدنيا على كاميليا شحاتة من سنة و لما مات سيد بلال محدش منهم فتح بقه و رفضوا انهم يعملوا مظاهرة علشان مفيش واحد علمانية تقف وسطهم – خوفاً من الفتنة – و كمان لما قامت الثورة قعدوا يحرموا فيها لحد ما نجحت و بعد كدة لقوا لها مرجعية شرعية كانت غايبة عنهم – أيه هي مش عارف.
نظرهم ضعيف لما سابوا المشاكل الكبيرة – المصلحة الأكبر – و قعدوا يدوروا على مشكلة فرد ممكن تجيب مشاكل أكبر – مفسدة أقل -.. سابوا مشكلة الاقتصاد و الأمن السايب و عجلة الانتاج – بتاعة الجيش – و المتربصين بمصر بلدنا و فكروا بس في المرأة المستضعفة الغلبانة المنكسرة اللى أسلمت – في نظرهم هم بس – و الكنيسة محتجزاها يا ولداه و محدش منهم فكر ايه عواقب الاهتمام الزايد بتاعه ده .. نظره مجابش أبعد من رباط الجزمة اللى هو لابسها خالص و هدد الشيخ الزعبي هنا انه هايخرج للأديرة ذاتها يحرر منها الاخت المخطوفة كاميليا شحاته .. و طبعاً علشان ملتحي و بيتكلم الفصحى و بيقول الآية و الحديث الناس الطيبين حبايبنا السلفيين مش هايقدروا يكسروا له كلمة و قاموا عملوا مظاهرة الكاتدرائية.
محدش منهم فكر خالص في عواقب فعلته .. كانوا أيام المخلوع اللي يكلمهم علشان يشتركوا في مظاهرة علشان فلسطين – أهو بقى المسجد الأقصى – يقولوا أصل المظاهرات لم ترد في السنة و بعدها بشوية أصل المفسدة بتاعة المظاهرة أكبر من المصلحة .. طيب فين فقه المفاسد و المصالح في موضوع كاميليا شحاتة .. و كانوا فين أيام سيد بلال و من قبله خالد سعيد و من قبله أكرم زهير و سليمان خاطر و أحمد ياسين و بغداد و أفغانستان.
طيب أهي كاميليا شحاتة طلعت يوم الجمعة و قفا كبييييييييييييير لكل اللى اتكلم عنها بدون دليل واحد يثبت كلامه.
لا و دي تيجي .. و لأن جهاز أمن الدولة عارفهم و مربيهم على أيده و عارف دماغهم كويس .. عارف انهم مش بتوع عنف .. انما أييييييييييييييه بتوع تسخين ولا أجدعها بوتوجاز فجر - و شوفوا هنا مثال واضح -.. تويتاية صغيرة في بروفايل واحد معين عارف هي هاتمشي ازاي و تروح للبال توك و سخن الناس و هم يسخنوا و يزودوا النار و ينزلوا .. و قاعد أخينا بتاع أمن الدولة مستني لحد ما البشوات راحوا الكنيسة و قام ضارب كرسي في الكلوب و لبسوها هم.
علشان برضه واحدة أسلمت برواية سندها .. هي ملهاش سند أصلاً .. و برضه ياخدوا قفا كبييييييييييييير و يلبسوا الليلة كلها.
برضه صباحنا نادي و صباح الاندال مش باين – تميم البرغوثي بتصرف
قلنا في النوت اللى فاتت ان المستفيدين من برة هم أمريكا و اسرائيل و الأنظمة القمعية الاستبدادية في الوطن العربي زي القذافي و بشار و آل سعود و دول طبعاً مش ممكن يشغلوا عفاريت معاهم تأجر لهم بلطجية يحرقوا الكنايس و يضربوا الناس .. انما لازم يكون لهم هنا اعوان و مساعدين .. و طبعاً دول كمان لازم يكونوا مستفيدين من الفوضى على المستوى المحلي بقى بتاعنا أحنا.
و طبعاً من محاسن الصدف ان كاميليا تطلع لنا على القناة اللى اسمها الحياة من أمريكا و تقر انها لسة مسيحية و ان المشكلة خلاها تتمسك بمسيحيتها أكتر من الأول و الكلام الحلو ده تالت يوم الحكم اللى انطسه العادلي بتهمة غسيل الاموال و التربح و الحكم ده طبعاً خلى البهوات اللى معاه في طره بطنهم تكركب و يحاولوا يشوفوا لهم صرفة في الوضع اللى هم فيه ده و طبعاً حكاية الاعتصامات الفئوية طلعت فشنك و الأمن بدأ يرجع – مش قوي يعني -بوجود الناس و الشرفاء من الشرطة – و كلنا فاكرين شهيد الشرطة في القصيص.
فكان لازم يشوفوا كارت يرعبوا بيه الناس يخلوهم يترحموا على ايامهم و الأمن و الأمان اللى احنا كنا عايشين فيه أيام مبارك و الكارت جاهز .. الطاااااااااااااااااااااااااااااااااااااااااااااااااااائفية.
يعني ايه بقى الطائفية دي .. يعني حبايبنا السلف اللى كانوا نايمين من يوم ما ربنا خلقهم عن كل حاجة من أول الفساد السياسي و توريث الحكم و تزوير الانتخابات و العبارة و قطار الصعيد و التعذيب في أمن الدولة و قتل خالد سعيد و حتى الراجل اللى منهم سيد بلال برضه رفضوا انهم يعموا له وقفه و كانوا فاكرين بس كاميليا شحاتة – المرأة التى اشهرت اسلامها و اعتقلتها الكنيسة و قوموا الدنيا علشان كاااااااااااميليا شحاتة – برغم عدم ثبوت اشهارها لإسلامها و لما قامت الثورة حرموا المظاهرات لحد ربنا ما كرم و نجحت قامت نقحت عليهم الحكاية مجدداً و افتكروها و نسيوا الالاف اللى ماتوا من التعذيب في عهد مبارك على أساس انهم رجالة يستحملوا الاعتقال و التعذيب و القتل انما هي امرأة مستضعفة لا تتحمل الاعتقال الكنسي – اللى هو برضه مرفووووووووض – و برضه نسيوا انهم بكدة بيفشلوا الثورة لأنهم بيساعدوا النظام البائد و المستفيدين من وراه و المستفيدين من برة فشل الثورة بالحكاية دي.
و هو ده اللى حصل يوم ما كاميليا تظهر و تعلن انها مسيحية تقوم تطلع لنا واحدة تانية و هم طبعاً مش عاوزين يظهروا انهم كانوا غلطانيين يقوموا يروحوا بكل غباء لكنيسة في امبابة و يتظاهروا طلباً لخروج الأخت المحتجزة و طبعاً اللى بيلعب بيهم زي العرايس يستنى لما المظاهرات تسخن و يبعت العفاريت بتوعه يولعوا الدنيا.
صباحنا نادي و صباح الأندال مش باين - للعبقري تميم البرغوثي بتصرف.
أيوة صباحنا نادي ان شاء الله , أيوة كانت ليلة سودا ما يعلم بيها الا ربنا .. ناس تموت و ناس تنصاب بسبب اشااااااااااعة , بس يا ترى هي كانت الاشاعة هي السبب؟؟؟!!!؟
هي الاشاعة اللى خلت شوية بلطجية يروحوا امبابة بعد ما تكون المظاهرات سخنت و بدأ الضرب يولعوا في الكنيسة و يخلعوا و يسيبوا عم عادل صاحب القهوة يضرب نار على حسين ابن عم رمضان اللى ساكن فوقه!! اشاعة ايه الذرية دي .. ما كتير طلعت اشاعات زي كدة و مكانش لها التأثير القوي ده.
معلش بقى يا جماعة انتم لو بتدبحوا جاموسة - أكرمكم الله - كانت أخدت وقت على ما تفرفر و حتى بعد ما تتسلخ بنلاقيها بتحرك اطرافها لحد الشحنات الكهربائية تخرج منها .. فما بالكم بنظام بقى عامل زي السرطان جوة الجسد المصري خلانا طول ال 30 سنة اللي فاتوا نطلع أسوأ ما فينا و بقينا عاملين زي المدمن .. بس احنا أيه .. مدمنين كراهية في بعضنا من كتر ما جربناها 30 سنة و علشان تخرج لازم نعمل أحمد زكي في فيلم المدمن .. هايبان علينا الاعياء و الضعف و العصبية و التوتر و يمكن كمان نضرب دماغنا في الحيط زي ما حصل في امبابة كدة.
المهم بعيد عن قصة الادمان تعالوا نشوف الموضوع من زمان .. أيوة من كام شهر كدة خرج علينا عاموس يادين الرئيس السابق للمخابرات العسكرية الاسرائيلية (أمان) و قال فيها ان اجهزة المخابرات الاسرائيلية نشاطها في كل البلاد العربية و المسلمة سواءاً وقعت على كامب ديفيد او لأ . . و خص مصر و هاتلاقواهناملخص لكلامه و خططهم في مصر اللى بدأت مع توقيع كامب ديفيد بتاعتنا و ازاي كان يهمهم تصعيد التوتر الطائفي في مصر .. و طبعاً بقى شغل 32 سنة مش لازم يروح هبدر .. و خاصة انهم أكتر ناس متضررين من سقوط مبارك.
أيوة هم الصهاينة أكتر ناس متضررين من سقوط مبارك ....
أولاً : كان أكبر داعم ليهم في المنطقة أمنياً , فكل الاجهزة الأمنية المصرية مسخرة لإضعاف المقاومة في فلسطين و خاصة في غزة, و كمان في لبنان و نفتكر أيام الانتفاضة لما المقاومة الفلسطينية قالت ابعدوا عننا المخابرات المصرية و الاردنية و احنا نتكفل بالاسرائيلية. و طبعاً ما ننساش هنا دور المعلم الكبير عمر سليمان الصديق الصدوق لهم و اللى ترك لهم الملعب لا و كان بيجيب فينا احنا اجوان لهم كمان.
ثانياً : و دعمهم سياسياً بأنه ساهم .. لأ هو اللى شق الصف العربي لوحده و اصبح عندنا دول ممانعة و دول اعتدال قصدي ....... و انتم فاهمين .. و ما ننساش طبعاً المصالحة الفلسطينية اللى الراجل بصراحة مخلاش عنده حاجة استخدمها علشان تفشل الا لما عملها.
ثالثاً : اقتصادياً ... الغاااااااااااااااااااااز و الكوييييييييييييييييييييز
كل ده طبعاً مش علشان سواد عيونهم انما علشان خاطر رضاهم السامي عن الخليفة جيمي الننوس و اللى الحمد لله الثورة خلعتهم و حطتهم في طره كمان.
و هم يعني الصهاينة دول بس اللى متضررين من نجاحنا .. لأو الامريكان لأن الانظمة القمعية عندنا كانت محافظة لهم على مصالحهم هنا .. بيرطعوا براحتهم بأساطيلهم و يضربوا في أي مكان هم عاوزينه و محدش بيقول لهم بم.
و كمان الانظمة القمعية اللى لسة موجودة زي السعودية اللى زعلانيين قوي على خلع مبارك لأنهم خايفين من نفس مصيره و قالها لوزير المالية سمير رضوان لما راح زارهم يعني كل دول يهمهم قوي اننا نفشل في بناء مصر ديمقراطية و بالتالي قوية اقتصادياً و لها مواقف سياسية جامدة و علشان كدة حاولوا يلعبوا بكذا كارت و فشلوا لكن لسة عندهم الكارت اللى ممكن يربح لو احنا سبنى الترابيزة لهم يلعبوا براحتهم .. لأ احنا لازم نقلب لهم الترابيزة .. و علشان احنا متعودين على الادمان .. كمان أدمنا الفزاعات .. يعني كانت فزاعة الاسلاميين الجهاديين و بعد كدة الاخوان و بعد كدة اليومين دول السلفيين .. معلش هو الادمان وحش انما هانتعالج ان شاء الله و نخف منه لما نبطل ناخد حقن من برة زي بتاعة امبابة كدة و كاميليا.
و المطلوب بقى أيه علشان نقلب لهم الترابيزة و نفض اللليلة الهباب دي .. أولاً النت بيسجل كل حاجة .. يعني أول واحد طلع الاشاعة دي لازم يطلع لكاليــــــــــــــــكه و يقر و يعترف مين اللي دسه علينا .. أيوة هو دي بقى اللى مندس فعلا لآنه جاي يخدم مصالح ناس برة . جوة مصر.
و كمان نشوف بقى على التليفزين المصري فيدو زي ده كدة بس يكون على الهواء مباشرة علشان نعالج الادمان بتاع الفزاعات و نطمن نفسنا اننا حلوين و كويسين . يعني الشيوخ اللى الناس بتشوفهم على الفضائيات يروحوا كنيسة امبابة و يدخلوها و يطلعوا بيان شجب و ادانة و تحريم للهجوم على دور العبادة أي كان نوعها.
و للحديث بقية ...................و الله الموفق و المستعان
